اليوم الأول

2009/03/07 at 8:43 م 4تعليقات

الساعة 30 :5

_ أثيييير يلا قومي بسرعة الفان بيجي الحين:TB

قمت بعد تفقد لساعتي

فكيت لفافات الشعر جعلهن الكسر;mad: ، ماعرفت أرقد بالليل:S:

< كل هذا في سبيل شي بتعرفونه بعد شوي :pp:

لبست القميص وفوقه الجكيت الأسود :cool:

ومن ثم لبست التنورة السوداء < أو العكس والله اني مدري:DD:

جهزت دفتري حق الشسمة

بس كل هذا عشان شي

اليوم صرت أستاذة :cool:

اليوم أول ايام التطبيق الميداني ، الله يكفيكم شر حماسي المدري وش يبي

الشاهد انو الفان اللي بنركب معه جديد وراعيه جديد

تخيلو جالسة انتظر السيارة نص ساعة

ويوم جت ست ونص ركبت ، وبدأت مشاوير التخبط في البيوت

تخيلو وحدة من البنات اخطت بالتوصيف:DD:

رقينا كبري الخرج وتعديناه بشوي

همن عودنا للدلم:DD:

كل هذا يحدث بصمت:DD:

وأخيرا مسكنا خط الخرج الساعة 7 ونص

سمعنا السواق يتمتم بأشياء

فجأة قال ” الله يلعــ … خير أبو … يوم خلانا نشوف هالوجيه “

_ ترى اليوم وخلاص ” بعد ترجي انه يجيبنا لبيوتنا مثل ماودانا “

والله ان حالتنا صعبة وش طيحنا بهالسواق

يا إلهي وش سوينا ، منتب مجبور تودينا

وبعدين تراك بتاخذ حقك وزود

وأخيتكم جايها موجة ضحك عارمة:DD:

وذاك يزاعق

حسيته بيصطرني كف

بس بجد اشكالنا تضحك:DD:

أستاذات كذا تكون افتتاحيتنا

وأخيراً وصلنا للمدرسة والحصة الأولى بتخلص

عرفنا من قبل ان مديرة المدرسة قوية لدرجة مهب زينة

لهجتها في التعامل سيئة نوعا ما

مشينا نحن الأستاذات المتدربات _ سيكو

وتوجهنا لباب المديرة

طق طق طق طق

_ السلام عليكم

_ _ وعليكم السلام

_ _ عرفوني بنفسكم

_ فلانة من الدلم

” وكان غالبيتنا من الدلم “

_ _ الحين ليه جايين هنا ليه ماتروحون تداومون بكلية الدلم

< نبرتها جدية !

< ياناسو بالله هذا ترحيب:DD:

بدال ماتجلسنا وترحب فينا وتسوي لنا اجتماع صغير ،

على الأقل تعرفنا بالمدرسة:DD:

_ _ ارقوا الدرج وغرفة الفنية هي مكانكم

أنا هذا وجهي > !!!!! تعجبااات !

بالله وش خلانا نروح يمّــها:DD:

المهم رحنا فوق وتعرفنا على بنات الفيزياء كانوا معنا متدربات !

دخلت علينا الوكيلة ” المساعدة ”

وقفت جمبي بالتمام

بدت تقرأ علينا التعليمات من الورقة

وانا جمبها أهتز من الضحك:DD:

حسيتها مثل اللي يقرأ بيان من الديوان الملكي

وربي انها مثله مثل أسلوبه

طبعاً كانت كلها تحذيرات وممنوعات

ووقعنا على ثلاث تعهدات

الين جت الحصة الثانية ودخلنا كمشاهدة للدرس

الصف ثالث متوسط ” ج “ مادة التوحيد

والله ياذا الكحلي مغطي على المكان

جلسنا ، وفجأة بدأ الصراخ

” أنا أبله أنا أبله أنا أبله أنا أبله “

والله اني ماقدرت امسك نفسي:DD:

طشمت من الضحك

ياربي الله يعين اذا شرحت لهم بضحك بوجههم

والله ازعاج مهوب طبيعي

بس فيه بنات مهب زيون

أولاد مهب بنات الله يهديهم ويفتح على قلوبهم

خرجنا بعد كتمة دامت 45 دقيقة

استاذتنا المشرفة نقدت لنا الأستاذة بنقد كثير لكنه صحيح وبمحله

الله يستر علينا الأسبوع الجاي

وعدتنا تدخل علينا بأول حصة !

يعني مافيه امكانية تجربين التدريس قبل التقييم

ودي أصور لكم أشيائاتي

بس بعدين بالتدوينة الجاية ان شاالله < الله يعجل بها:DD:

يالله ابيكم كلكم حماس مثل يومي اللي كل ابوه رعب


يالله سلامووووووو عليكووووووم

لأرواحكم ( )

Advertisements

Entry filed under: التطبيق الميداني.

تصميم : غزة قوة ،

4 تعليقات Add your own

  • 1. البرفســـــــــورة  |  2009/03/07 عند 9:33 م

    هههههههههههههه هذا انتي

    يمااااه … وش بسوي أنا اجل ..

    بقلط عندس وبقولس وش هبهت فيه ..

    الا وش قصة ذا الضحك اللي ماسكته … ظنتي من زود التوتر
    صارت اقرب طريق لس .. ،، لا ومن زيني كل ماقلتي بضحك ضحكت معك ،، خاشتن جو من قلب

    تصدقين احم .. احم … تذكرت نفسي وانا في المتوسط
    كذاااااااا هبالنا ..

    سوعال :/ اثير لقيتي لس طريقة تسكتين البنات والا لين واجهت الصعاب توها بتطلع ..

    لا ان شاء الله دروسن زينه على ايديس
    بس انا اهي .. اهي .. ادعي لي يابنت
    أراك بعد الهوباب حقي

    سي يو .. خخخ اجرب عليس

  • 2. zahra  |  2009/03/07 عند 11:07 م

    هلا أثير ،

    لا أبشرك ياربِ لك الحمد ماصارت مثل أشيائاتكم ض1

    احنا لـ الحين الامور تمشّي حالها ولله الحمد ،

    أهمّ شيء الاسبوع الجاي الله يعين يارب !

    بالتوفيق أ. أثير : )

  • 3. بيــان ~  |  2009/03/08 عند 8:00 م

    ماشاء الله تبارك الله
    بداية قوية للتدريس كلها ضحك 🙂
    الله يتمم لك على خير وتقدرين تضبطين البنات
    وتصيرين أحسن أستاذة F

  • 4. البرفســـــــــورة  |  2009/03/09 عند 2:39 م

    مساء المدرسات والتدريس
    أحم .. أحم ..
    معكم ..
    أ. البرفسورة .

    ياالله .. يالله صوبااااح خير ..
    من الليل وانا اتقلب من القلق ..

    فان جديد ، وسواق شايب ..
    سحب على بنات الكلية ، و2 دقوا وقال مانيب راجعن ابد
    وافتتاحية المصانع سوينا ،، اكسدنت ،، لغير الناطقين بالانجلش حادث ~~ اتدرب عليكم عقب الدرس

    أما مدرستنا وش ذاااااا العز ،،
    مدارس تفتح النفس ، وناس مؤدبين ،في الشارع بس
    تمنيت كليتنا فيهاااااا

    والمديرة هات استلمتنا البنات دنجر لاتقربونهم ، اسياب المدرسة دنجر ، مابي احتكاك ، الزمو الغرفة ، وجالسة في السيب حاطة كرسي وطاولة مشتغله مراقب عليناا ..
    وين رايحة ؟.
    ليه ؟

    ونسمع لشكاوي الفيزيااااء عن هبال الطالبات ..
    الله يستر من الجاااااي

    رحلة موفقة في الميداني

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

Trackback this post  |  Subscribe to the comments via RSS Feed


على الجسر ~

منـــايري ق4 شكراً يالقلب على البنر اليهبل وقسم ، خلاص بتصيرين كل سنة جديدة تصممين لي _خقق1

آخــر ما بنيْـت ~

عدد من وطأ الأرض

  • 4٬087 روحاً نقية ~

%d مدونون معجبون بهذه: